Lacson to Faeldon:“Loud whispers in the four corners of (BOC) ”P100-million pasalubong for the newly-installed commissioner,”

Ibinunyag kahapon ni Sen. Panfilo M. Lacson, chairman ng Senate committee on public order and dangerous drugs, na malakas ang bulung-bulungan sa Bureau of Customs (BoC) na tumanggap umano si dating Commissioner Nicanor Faeldon ng “pasalubong” na nagkakahalaga ng P100 milyon nang maluklok para pamunuan ang kawanihan noong 2016. 

“Loud whispers in the four corners of the Bureau of Customs (BOC) compound tell of a P100-million pasalubong for the newly-installed commissioner,” sabi ni Lacson.

Sa isang privilege speech, sinabi ni Lacson na nakain na si Faeldon ng sistema.
“Holy mackerel! Welcome pa lang, may kita na. Corruption is like a snowball. Once it’s set a rolling, it must increase,’’ 

Sinabi ni Lacson na hindi totoong nag-iisa si Faeldon dahil lumalabas sa rekord agad niyang ipinasok sa nasabing araw sa BoC sina Gerardo Gambala, Milo Maestrecampo, Atty. Many Therese Anderson at Henry Torres bilang mga technical assistants na tumatanggap ng P40,000-P50,000 buwanang kompensasyon. 

Bilang pinuno aniya ng bureau, kinain umano si Faeldon ng sistema pagdating sa pagtanggap ng “tara” o “payola” kapalit ng malayang pagpapalusot ng mga illegal shipment sa BoC. 

Sinabi ni Lacson na sa halip na buwagin ni Faeldon ang “tara system” sa BoC, siya pa ang nangunsinti at nagpalala sa korapsyon sa loob ng bureau.  

Nauna nang tinanggap ni Pangulong Duterte ang pagbibitiw ni Faeldon sa harap naman ng kontrobersiya kaugnay ng P6.4 bilyong shabu na nakalusot sa Bureau of Customs (BOC).

“A quarter of the pasalubong was retained as a finder’s fee by a certain Joel Teves, a middleman at the BOC,” ayon pa kay Lacson.